創意廣告

香港寬頻(HKBN)又有新廣告，不嬲會注意依間公司推出o既廣告，或者全因創作公司o既功力，不過依然可以睇得出HKBN相當願意投放係廣告上面。當年CTI 殺價超人開始，子公司香港寬頻不斷推出創新廣告：生有限 活无限、劉翔、眼爸爸、牛頭馬面、不對稱螞蟻都比人新o既驚喜，好睇。可惜眾多寬頻公司標榜專貴o既光織速度我都未有機會用架啦﹗"豈有此理"!講返廣告﹗午間同深夜時間平價容易宣傳時間，所謂的廣告實有時侯比人另類驚喜但係同時令人產生相當困惑；"因為專注，所以專業！I love Hong Kong!??"；工人工傷跳出肥版天使個刻O嘴表情!想必第一次睇緊o既人會問搞咩呀?自己都O埋嘴；"講野最緊要有牙力，睇牙緊係要簡有實力!"尼兩句究竟有咩關係? 莫明奇妙o既菲藉人士o既對白"佢都係我隆胸WO!"、"金補碌碎搞定晒"；一個鬼佬因乜著到拜年咁款去搵"時腸迷你槍"幫手?，以上挑戰香港觀眾容忍度都重未及下午兒童時間o既旺旺瘋狂SHOW TIME，彷如一連串瘋人院真人SHOW一樣，睇得多大人已經食濟架啦！連小朋友你都要食一甩呀‥

我的手機：ASUS P535

P535
原由 golsonyau 上載

身為MAC User，竟選用Windows Mobile o既PDA Phone，P535係我由Vista過渡至OSX o既產物，利用Missing Sync，我部PDA透過藍芽與MacBook連繫、同步、上網‥對於訓上格床o既我可以隨時更新e-mail同RSS Reader，非常方便，且速度亦好快。當然PDA的流暢性絕對比唔上iPhone，我裝左廿幾個軟件插4G SD Card，始終有時都會Hand機，有時迫不得已要超上624Mhz，換來o既係機身微熱同食電。我期望iPhone 3G可以藍芽send file，支援五筆中文輸入，最好開放埋SDK‥Apple真係做到我唔入一部都唔得啦！

打做我的Wi-Fi之家: FON

FON
原由 golsonyau 上載

一次從宿舍返到黎取消左寬頻服務o既屋企，又需要上網Check e-mail，就嘗試將PDA擺係窗口接收Wi-Fi信號，不過都需要密碼登入，突然一個免費的信號出現解決我燃眉之急。就係我第一次認識FON：簡單黎講買一個FON Router($99hkd)，開放你o既網絡比其他FON用戶，出到街你又可以用到其他人o既FON網絡，唔小心一次過入手5,6部比自己、女朋女、姐父、朋友，有興趣google一下啦。依家全港老麥同星巴都有FON提供，再加埋大學生更享有超過4千個Hotspots網上痕戶口，重未計部份商場開放的免費網絡同「香港政府WiFi通」350個政府場地Wi-Fi熱點，真係一日唔上網都周身痕。

敗家黑仔-Black MacBook

Black MacBook
原由 golsonyau 上載

玩PC十幾年，上年8月先砌左一部用上當時自認為一流硬件o既PC，朋友向我示範新落地o既Mac之後，唔洗一個禮拜，就去"兇宅"入手一部黑仔MacBook。唔經唔覺已用上個幾月，對於MAC產生了少少感想: MAC真係幾好用﹗(就係咁咋)不過我黎講電腦就係電腦，工具者﹗PC"有時"亦很好用(當然有好多時...)，部份MAC user講到MAC有如神機一樣咁又誇張左D...講到"好用"，我理解為能夠用得OK舒服、OK輕鬆，已經OK足夠。唔好睇少依點﹗唔少人希望用上電腦黎做一D好簡單既事諸如上網、打字、做功課，都總係因為遇著少少問題Loop死無助繼而只有籍爆粗宣洩。還好成為MAC user之後，近來心景平和唔少，同時戒除左追求PC硬件個種欲望，應該可以為我慳唔少﹗可喜可賀﹗(oh﹗iMac更新左performance，iPhone 3G出爐﹗有無人有暑期工介紹﹖)

首次入CAMP

Baileys
原由 golsonyau 上載

從來唔寫個人網誌，終於開始了史無前例的笫一章。希望E個BLOG可以分享我遇到o既新鮮事物，寫下自己覺得正既野！除此之外，重有是日心情、情感關係、成長經歷、還有一大堆難明o既歌詞！！統統欠奉。依D野我自己記得就得啦!我最唔鐘意寫日記，都係隨意D好!

<--今晚享受一下Baileys吧!翻開官網一看載有共八種調法同示範，唔係齋睇，你重可以玩埋一份，放冰、溝咖啡、搞拌，即刻調一杯特別o既Baileys...好玩過online mini game。最後，決定用上官方認可的調法：三粒冰，一口喝下去！希望發個好夢啦!